2021 жылғы 12-ші сәуір күні Жезқазған жоғары политехникалық колледжінің дене шынықтыру пәнінің оқытушысы Қадыр Рүстем 1 курс студенттері үшін «Дені сау ұрпақ- жарқын болашақ!» атты онлайн кездесу ұйымдастырды. Іс-шара «Бірлігіміз жарасқан!» атты дене шынықтыру апталығы аясында өтті. Онлайн кездесу ZOOM платформасы арқылы өткізілді, кездесуге 20 студент қатысты.
Кездесу қонағы - белгілі жерлесіміз ұлттық дәрежедегі спорт төрешісі , жоғары дәрежелі бокс бапкері Аманов Мұқашбек Түсіпұлы. Тәжірибелі бапкер, белгілі спортшы студент жастарға өзінің боксшы ретінде жүріп өткен жолы, жаттықтырушылық қызметі жайлы әңгімеледі. Чемпиондық атаққа ие болған тәрбиеленушілері жайлы үлкен мақтанышпен айтып берді. Студенттер көкейіндегі сұрақтарын қойып, нақты жауап алды. Кездесу соңында бірнеше чемпиондарды тәрбиелеген бапкер, талай додаға төрешілік еткен маман жастарға өзінің жүрекжарды тілектерін білдірді.
https://www.facebook.com/100025670386422/videos/829632091235796/